Раиси Палатаи ҳисоби Ҷумҳурии Тоҷикистон муҳтарам Каримзода Ҷамшед бо ҳайати ҳамроҳ ҷиҳати иштирок дар Конгресси XXV INTOSAI аз 27 то 31 октябри соли ҷорӣ дар шаҳри Шарм-эл Шейхи Ҷумҳурии Арабии Миср қарор доранд.

Нахуст Сарвазири Ҷумҳурии Арабии Миср ҷаноби Мустафо Матбуолӣ Конгрессро ҳусни оғоз бахшида, нақши Мақомоти Олии аудитро дар таҳким ва рушди иқтисодиёти кишварҳои аъзо муҳим арзёбӣ намуданд.Мавриди зикр аст, ки дар Конгресси мазкур роҳбарон ва намояндагони Мақомоти Олии аудити 195 кишвари узви Созмони Миллали Муттаҳид иштирок намуда, дар ҷараёни кори он масъалаҳои мубрами соҳаи аудити давлатии кишварҳои аъзо мавриди баррасӣ, қарор дода мешаванд.Конгресси XXV INTOSAI мақоми болоии ниҳодҳои олии аудит буда, дар 3 сол як маротиба баргузор мегардад ва Палатаи ҳисоби Ҷумҳурии Тоҷикистон ба ҳайси узви комилҳуқуқи INTOSAI шуруъ аз соли 2013 дар фаъолияти кории он  иштирок менамояд.

Бахши иттилоот ва кор бо ВАО-и

Палатаи ҳисоб